(Flora Brovina)

:
andimecaj.webs.com/poezishqipe.htm

GRUAS

 

çruan

në zbehtësinë e fytyrës

në aneminë e fjalës

çfsheh

 

barrën e dhjetë

apo vitet e tua

 

çruan

në zbehtësinë e fytyrës

zërin e tyt shoq

apo në përkëdhelje të humbur

 

çruan në aneminë e fjalës

këngën e heshtur

apo një pranverë të sosur

 

çruan

kur përkund kohën në djep

çruan

çfsheh

 

LIRIA

 

Liria

Fluturim zogu

Në dritare

 

Zgjim mëngjesi

Duar hapur

 

Është

Hënë

Prapa grilave

Liria

Erëgruri

I porsakorrur

 

Lojë e fëmijëve

Gaz e vaj

 

Është

Grua

E çliruar nga barra

 

Liria

Foshnjë kuqërreme

Në parzëm nëne

 

Si duket oh si duket

Liria

 

GJARPRI

 

Në themel të shtëpisë

I ftohtë

Në këmbë e dorë

Gjarpër

Rrotull meje

Gjarpër

Ndërron lëkurë

Ti ndërron lëkurë

E gjarpër je

Rrotull meje

 

VËRMA EMRIN TIM

 

Nëse më njeh e di emrin tim

ka emrin e fluturimit

nëse e di emrin tim mos më thirr fluturim

Nëse më ke parë e di kush jam

i kam krihet e thëllëzës

nëse e di kush jam mos më thërrit thëllëzë

 

Nëse ke dëgjuar këngën time e di si këndoj

vëlla e kam bilbilin

nëse e di si këndoj këngën mos ma ndal

 

Nëse lotët i urren e di se unë nuk qaj

qyqen nuk e kam fis

nëse e di se nuk qaj mos më thuaj se nuk ndjej



 

 1
eXTReMe Tracker